Last day in Funful

今日係天諾响funful(呢間學校由3月開始到依家)嘅最後一天, 返學時天諾笑住同我哋講byebye, (其實近呢兩三星期天諾返學已冇喊), 今日仲有爸爸媽媽,爺爺嫲嫲,公公婆婆接放學, 好大陣仗呀!! 今日開始, 天諾會放暑假一個月~~

Bun Bun 姨媽 Day

星期六,日 媽媽忙於睇排球, 姨媽姨丈樂意地湊佢, 去咗火車博物館, 又搵街坊玩同摘芒果, 玩水槍……趣事有: 姨丈爬樹摘芒果, 天諾叫danger, 姨媽第一次幫天諾換片包得唔好, 天諾話俾姨媽聽(指住pat pat話痴住咗), 玩濕身著住姨媽d衫返屋企攪到成個阿差咁!
夜晚同表舅父慶祝生日, 唱晒歌仔表演, 又跟我哋口水尾講咗好多祝賀說話, 好開心呀!

學校玩具之爭

星期二收到學校電話, 老師話天諾跟同學爭玩具俾同學抓傷, 老師仲話佢依家响學校冇喊但就霸道咗又掃d玩具落地, 不過仲肯執返d玩具, 今朝8號風球帶咗佢去飲茶, 個傷口仲係好深呀~~

大尾篤紅樹林

好熱嘅星期日呀~~姨媽提議去大尾篤紅樹林親親大自然~~去到d泥漿嘅地方, 天諾已經覺得dirty唔想落地, 再加上有好多蟹仔行來行去(天諾指住話有甴曱, c都唔肯落地), 唯有爸爸同姨丈輪住抱佢, 三十幾度高溫同時抱住天諾, 行咗十多分鐘就頂唔住要走人喇~~回程返姨媽屋企, 天諾已經瞓著, 不過一上到姨媽屋企就醒咗, 仲唔肯跟爸爸媽媽返屋企瞓, hoho~~爸爸媽媽偷懶返咗屋企, 姨媽姨丈獨自湊咗佢幾粒鐘呀!

爸爸媽媽中學同學gathering

星期五晚先同媽媽嘅中學同學見面, 同場13個月嘅朋友仔好鍾意同媽媽玩, 天諾就痴住人哋d玩具, 媽媽可以輕鬆食飯!!
星期六晚同爸爸嘅中學同學見面, 餐飯食咗2個半鐘, 佢坐定咗個半鐘就開始周圍郁, 重點係最後玩熟咗, d哥哥用ice-cream利誘抱天諾, 天諾當然上當啦~~不過叫佢揀媽媽定ice-cream, 天諾二話不說---要媽媽!! Hohoho~~~

又一新歌

其實呢首歌識唱咗兩個星期, 不過依家先肯坐定定俾我哋錄低~~
Sunday, Monday, Tuesday, Wednesday, Thursday, Friday, Saturday.
7 days make one week and 24 hours make one day

似朗誦多過唱歌

Five little ducks went out one day, over the hill and far away.
Mama duck said “quack quack quack” and
Four little duck came hurrying back!
連埋動作攞足100分啦!!

Happy Father’s Day

一早起身天諾就識同爸爸講happy father’s day仲氹埋媽媽講happy mother’s day, 打電話俾公公就講父親節快樂, 然後就一齊飲茶, 同表表行街街好開心呀! 之後返屋企瞓咗1粒鐘就叫醒佢去接爺爺嫲嫲機, 再去深井食飯, 食飯其間仲急住做teacher教細佬, 攪到嫲嫲冇得食飯抱住細佬聽書…..

不用午睡?

星期六媽媽返咗工, 天諾就痴住爸爸, 連公公話帶佢出街都唔去……下午諗住大家一齊眠一眠, 點知天諾玩足一日唔肯瞓, 咁大個仔都未試過唔駛瞓撐到夜晚10點半!!
之前拍落--天諾表演彈琴

2歲5個月喇~~

呢期天諾喜歡扮teacher, 教書有板有眼架, 大家一齊上堂啦~~

高93cm, 重33磅, 平均早上8點起身, 夜晚10點半瞓, 午睡3點-6點
1日3餐奶, 加午飯晚飯, 兩餐水果, 不過唔鍾意飲水, 開始接觸零食最愛益力多同利賓納, 糖, 朱古力同M&M, 最唔鍾意食榴槤.

呢個大少飲奶姿態幾型!

濕水雞仔

星期一嘅假期, 姨媽姨丈帶天諾去公園玩, 曬咗唔夠15分鐘已經做咗濕水雞仔!

Tim Tim, 細佬,表表, mega box相遇

大家都無懼黑色暴雨去飲茶, 其實我哋差d水浸車呀~~

同細佬著住同款唔同色嘅睡衣!

食飯好曳呀~~

呢排食飯要食成個幾鐘先食完一碗飯, 仲要後半餐飯食到周圍走, 要細佬同叔叔响度先順利食完, 真曳呀!!

開個唱

一晚裡面有叔叔嬸嬸細佬,公公婆婆來搵天諾玩, 天諾玩到high咗不停唱歌, 有d仲係學校教嘅新歌, 載歌載舞……你哋估吓佢唱咩啦~~

小型下水禮

國際兒童節去咗姨媽屋企,吹咗個水池俾天諾同表表玩水, 因為天氣未算熱, 所以要開d暖水俾佢哋玩呢, 爸爸負責打水, 姨媽抬櫈, 媽媽影相, 姨姨拍video, 婆婆遞毛巾, 公公舅父standby……..好大陣容呀~~表表好似未識玩, 相反天諾玩到唔捨得起身, 不過未有準備要無下裝落水, 所以d相唔係張張post得>p< 夜晚嘅天台BBQ天諾興趣不大, 寧願落樓拆姨媽屋呵~~ 相片有待貼出~~