普通話兒歌

天穎冇番成個星期學, 响屋企絕對冇偷懶, 哥哥呢幾星期日日唱學校教嘅普通話兒歌, 妹妹照學仲連動作都跟埋呀!! 兩個都叻叻!!
哥哥範本

妹妹version

行花市+Javon b day party

今朝飲完茶帶兩兄妹去行花市, 天穎收穫係一個公主balloon同兔仔風車, 天諾就揀咗兩份玩具! 婆婆買咗花, 公公買零食.......哈哈......臨走前, 天穎見D攤檔背面好似個台咁, 自己行去表演(哥哥教嘅春曉), 好攪笑呀!!

送咗公公婆婆番屋企, 我哋就出發去Javon生日會@黃埔冒險樂園, 爸爸媽媽成日怕多人所以未帶過兩兄妹去架, 今日佢哋好似大鄉里咁, 發晒癲樣樣都想玩!! 成班同學一齊玩電動火車同碰碰車, 好似包場咁, 好開心呀~~

新睡衣

剛上訂咗新瞓衣俾兩兄妹, 有新衫著兩個梗係開心啦!! 套I L MOM & DAD, 媽媽指定要佢哋一齊著, 妹妹見到自己件衫同哥哥咁似, 好開心咁話一樣一樣呀!

Pam & Colin Wedding Party

凍咗咁多日, 今日天氣真係好呀~~不過最開心係見證朋友嘅婚禮, 帶埋天諾同chun chun, HK玩, 大家相隔一年都好好玩喎!

天諾寫揮春

今年有天諾寫揮春媽媽唔駛買新年佈置lu, 雖然d字唔夠端正, 但表露出5歲嘅功架!! 哈哈~~

天穎的奇怪粒粒

呢個星期天穎身上長滿粒粒, 又多又紅又痕呀, 真可憐啊~~醫生話可能係敏感or 病毒感染, 由於怕衫著得太多焗親以至痕, 點知又冷親流鼻水呀!!!唉~~攪咗成個星期先好番d, 成個瘦晒, 對粗腿都幼咗呀!!

天諾的新曆農曆生日

天諾真係一個好幸福嘅細佬呀, party之外新曆農曆正日生日都熱熱鬧鬧嘅過呀!!

天諾5th Birthday party @ Kowloon City Pizza Hut

天諾參加過咁多同學仔生日會終於到自己喇~~攪呢個生日會由選場地, 預備回禮小禮物, 寫invitation card到蛋糕設計, 天諾都有份參予, 可能因為咁佢就特別開心興奮, 响尋晚臨瞓時, 天諾已”念口王”咁”話聽日開生日會聽日開生日會聽日開生日會”…………….哈哈~~爸爸媽媽都好明白佢嘅心情呢~~

好多謝各位出席嘅劉陳氏和各同學仔and 同學仔Daddy Mami仲有你哋嘅禮物呀~~天諾天穎今日都好high! 妹妹滿場走好似識幫手招呼朋友咁, 哥哥就忙住收禮物………..一大班小朋友玩遊戲都好湧躍, 好彩場地夠大, 不過負責嘅姐姐對住咁大班細佬玩遊戲好似有d束手無策!! 反而一班爸爸媽媽話要睇佢哋排排企表演, 佢哋就好合作唱歌呀!! eee........Ian 同表表原來你哋冇同天諾影相呢~~

蛋糕出場時各人都好興奮, 不過除咗天諾外, 應該冇人識個蛋糕設計呀, 其實天諾想買呢套擂台玩具好耐, 爸爸媽媽話要生日先可以買所以佢就提議蛋糕用擂台設計………..

唉!今年真失策呀~居然唔記得响小朋友走時送回禮小禮物, 好彩姨媽夠精靈!!

上學第四天

上車前指定動作!yeah~

天穎開始知道返學要分離喇~~搭校巴時會喊住上, 好彩老師話佢响學校冇喊lu~~

第一次搭校巴

今日天穎第一次搭校巴, 天穎好似唔知咩事, 上到車初初冇喊, 坐低後前面有個小朋友喊佢又跟人喊, 開車後有爺爺嫲嫲幫手跟住佢車尾睇佢落車情況, 拍到呢段片真係覺得自己好似狗仔隊呀~妹妹嘅表現OK喎冇喊又冇扭計! 讚呀~~

黑仔的一天

今日係假期後媽媽第一日返工, 原本要北上, 但於途中地濕濕攪到跌低拗柴…..企唔到起身攪到call白車呢~~~唉~~~呢個星期原本好忙架! 依家有4日病假, 撇除腳痛, 呢個星期可日日陪住天穎睇佢返學……..今日由嫲嫲接送返一小時, 天穎當然冇問題啦~~

天穎開學喇~~

今日爸爸媽媽陪天穎開學, 天穎做挿班生, 第一日返學只需1小時又有爸爸媽媽接送, 佢當然冇問題啦! 第一次入到課室佢好開心自己周圍搵野玩, 仲爭同學仔玩具呀! 惡妹一名呢!!上堂時唔太聽老師指令, 只顧自己玩, 上咗半個鐘媽媽嘗試出課室躲住望佢, 哈哈好叻叻呀, 喊咗兩分鐘就冇事仲跟住老師tim!! 食完茶點放學好開心同老師校長say goodbye!

Anson birthday party @mega box

新一年第一個要參加嘅生日會係天諾班中best friend Anson Fung, 成個假期咁耐冇見d同學仔以為佢會好熱情咁搵人玩, 點知上半part佢stick住個iphone玩, 唉!!好彩有姐姐出來主持遊戲時, 佢都好投入玩je………..連妹妹都去玩埋一份,天諾仲好保護妹妹俾妹妹排隊排佢前面呀~~

最佳拍檔

2011年第一日天諾同Chloe一齊參加朗誦比賽, Chloe嘅朗誦好有水準呀, 個人賽得第一, 媽媽其實有個無型壓力, 因為天諾嘅表現好難預測, 不過今日爸爸媽媽真係俾100分呀, 不論個人賽同合誦, 天諾表現都好好, 在個人賽雖然天諾冇獎攞有點唔開心, 但佢好快就調整心情再準備合誦(呢個值得第一讚呀), 在合誦兩個小朋友上台嘅表現比平時任何一次練習都好得多, 最後佢哋得第二, 媽媽已經好開心喇~~叻叻呀!!