Sit-up

天穎依家係copy cat, 哥哥做咩佢都跟到足, 跳sofa, 瞓地下扮暈, 爬高等危險動作……今晚媽媽做sit up試吓佢反應, 佢又跟到wor, 最攪笑係識學媽媽”zip”雙腳响sofa借力!

雷暴警告@銀線灣

今日飲完茶雖然天氣一般, 但公公好想同兩個b去沙灘, 天諾聽到當然會舉腳贊成啦, 未帶過佢哋去銀線灣, 今日就去睇吓, 一去到天穎第一時間沖落水好大膽呢! 天諾就玩沙, 由於落過雨, d沙好濕响沙上畫野可keep好耐, 天諾執咗粒石頭當車仔响沙上畫路軌來玩~~玩咗15分鐘左右就落雨, 避雨期間兩個好想沖出去玩, 好彩只係幾分鐘嘅驟雨佢哋又再玩過, 雖然冇雨, 但玩緊果時不時有雷聲, 其實係好危險呢, 所以玩咗一陣就走人lu~~~

探太嫲

今日同爺爺嫲嫲食lunch後, 行一陣去探太嫲, 妹妹真係超級百厭, 竟然想雙腳跳落樓梯, 唉~好仔來架!!!
之後去探太嫲, 兩個表現好好仲表演俾太嫲同婆婆睇, 睇到各位婆婆笑咪咪同拍手掌呀!!

榮哥哥芬姨姨大日子

今日天諾天穎要改口叫榮哥哥做姨丈嘞!! 今朝天諾特別早起身, 所以一早帶埋佢去湊熱鬧睇接新娘, 妹妹都著咗新裙仔跟爸爸嘅兄弟團到呀! 屋內人太多, 兩兄妹响門外走廊玩已經好開心.
去到church時, 未見到新娘, 各花仔花女當然成為全場焦點啦~~不過要佢哋一齊影相實在好難! 媽媽真係忍唔住講句”妹妹你超得意呀!!” 婚禮正式開始時, 表表突然扭計失場, 天諾原本好正經咁行, 不過見到Kyler妹妹走咗去, 佢都走埋一份, 算啦~~呢d就係童真!!
去到晚宴時間, 妹妹換咗另一條新裙, 真係勁可愛, 兩兄妹响台上玩得好興奮啊! 天諾成晚周圍走周圍玩, 頂到11點先見疲態, 妹妹都係一直玩, 到咗10點45分頂唔住瞓著lu~~
晚宴期間天諾欣賞完榮姨丈嘅表演自己都心思思想表演呀!!

佛誕@清水灣+布袋澳

難得公眾假期又好天, d細佬去沙灘就最開心喇~~天行痴住堆沙同車仔已經夠玩; 天諾呢又拎船仔玩水, 又運水又玩沙; 天穎好叻今次已經唔怕水同沙, 玩得好落力仲成日搵桶水淋自己tim~~
玩完就去咗布袋澳食海鮮, yummy!!

不一樣的跳床活動

今晚天諾天穎有個重任就係應中國人嘅傳統去榮哥哥屋企跳床, 哈哈~~個video有d”啪啪”聲你哋估吓係咩聲!

花仔練習

今日同天諾講咗花仔花女安排有個小改動, 由於天諾大個仔d, 佢會幫手拖住最細個嘅妹妹, 所以今日由天穎幫手同佢練習,天穎好合作, 天諾亦好enjoy~~

足球班第四課

唔該晒叔叔嘅協助下, 我哋買咗法國隊波衫俾天諾, 著上身just fit,真係唔踢得都睇得呀~~上堂點名時, 天諾第一時間同教練講有新波衫, 落堂時仲好開心自豪咁同媽媽講話好多小朋友讚佢件衫靚啊~~今日發現佢控波有進步, 但教練呢堂教揷花(假動作), 天諾再次少林足球上身好攪笑呀!!

夏天來喇~~

“肉滕滕”嘅妹妹現身大埔海濱公園, 哥哥放風箏, 玩scooter, 妹妹周圍走拋波波, 仲一齊玩船仔, 好彩兩個冇俾蚊釘, 不過姨丈就食晒~~哈哈!! 不過兩個顧住玩, 唔肯乖乖影合照呢~~

輕鬆星期六

星期六冇咩特別節目, 同哥哥去完science workshop就搵埋爺爺嫲嫲去食燒鵝, 食完返到屋企剛好妹妹瞓醒就去Ian度借架三輪車玩吓, 妹妹不知幾開心, 夜晚食完飯再去玩單車, 仲去埋Ian度玩打鼓, 好開心呢!

忙碌母親節

第一炮: 普通話朗誦比賽@太空館
今日天諾第一次參加公開比賽, 我哋個session有50位參加者,成個rundown兩小時, 對於小朋友耐性確實係一個挑戰, 而天諾出場次序第45, 等咗差不多個半鐘先出場, 好彩有同學仔Ambrose陪吓! 天諾唔知係咪發台瘟, 上到台唔記得做動作又冇鞠躬講多謝, 其實今日嘅表現係平時練習最差嘅一次, 不過順利完成到爸爸媽媽已經好滿意, 到咗公佈結果一心諗住攞張attendance cert就走人搵爺爺嫲嫲飲茶, 點知係出乎意料, Ambrose同天諾成績20名之內仲有個獎牌呀!! 爸爸媽媽都莫名其妙, 因為其他小朋友真係個個都表現出色架!! 媽媽心想呢份母親節禮物夠晒特別,hehe~~

返到屋企梗係第一時間同妹妹分享啦!!

第二炮:芬姨姨婚禮rehearsal
完咗比賽後食個快lunch就趕去rehearsal, 今日見齊晒花仔花女, 由於天諾係最大個同有經驗所以行起來有版有眼架!! 之後去咗操場同表表踏單車, 好熱呀, 但兩個都玩到唔願走!

第三炮: dinner with Lau’s family
返屋企休息一陣之後就帶埋妹妹出發晚飯, 例牌天諾嚷住要同天行坐, 但可能兩個小朋友冇瞓晏覺脾氣差d, 飯前有d爭吵, 好彩席間和好番, 天穎呢好乖咁叫人同聽指令做動作, 真抵錫啊! 天諾有表演番普通話朗誦, 天行就表演轉轉歌, 開開心心母親節夜!!

家長義工

今日媽媽去咗天諾學校當家長義工講故事, 原本天諾想媽媽講英文故事, 但經老師鼓勵下, 媽媽鼓起勇氣膽粗粗用普通話講! 好彩各同學仔俾面反應都唔錯, 而天諾呢一早就應承坐第一支持媽媽, 連老師叫佢坐去中間睇得清楚d佢都緊持坐第一張chair以示支持, 哈哈!!

妹妹因為近幾日瞓覺鼻塞同咳仲成日咳到嘔, 所以尋日帶咗佢睇醫生, 一入醫生房就大喊, 仲掙扎唔俾醫生檢查, 相對哥哥食藥同睇醫生都乖好多呀! 醫生開咗d傷風藥希望佢快d好啦!!