妹妹last day@藍田靈糧

讀咗三個月pre-nursery, 天穎就轉校喇~~咁細個讀下午班真係好影響afternoon nap嘅時間, 好彩新嘅學校有上午班offer! 其實呢3個月媽媽都唔係好知天穎响學校做過咩, 而學校嘅系統問題媽媽都access唔到天穎响學校d相! 到last day媽媽先睇到天穎平時响學校snap shot, 起碼知佢玩過咩呀~~相中嘅天穎冇咩笑容, 有d仲眼范淚光……….依家食茶點/食飯, 天穎偶爾會講”多謝天父賜我飲食…………”

天諾學習進度

上次海洋公園旅行與其他媽咪傾計後, 得知原來同天諾差不多時間學小提琴嘅同學仔已經可以拉首歌仔, 由於媽媽冇特別督促天諾練琴, 佢學咗幾個月都仲係五音不全呢! 媽媽發現唔多對路, 雖然唔想俾太多壓力令佢失去興趣, 但學完唔同佢follow up就等如冇學過一樣, 所以媽媽的起心肝每天陪佢練琴至少5分鐘……..呢一個月輕鬆練琴下, 總算拉到d音啦~~天諾都聽得出付出既努力係有成果都好開心! 雖然大部分時間要 媽媽提佢練琴, 但叫親都冇托手肘而且有時都會主動練習, 總算佢冇白費媽媽心機啦~~~有哥哥作榜樣的關係, 妹妹亦對小提琴產生興趣, 每次哥哥練琴, 妹妹都要玩埋一份!
珠心算方面, 早兩個月天諾要學新口訣, 而天諾因為未上手, 對住d數唔識會大發脾氣同喊, 又唔肯做珠心算功課, 就算做亦會向媽媽講數一番………….媽媽呢個幾月真係好勞氣, 好彩有爸爸幫口同佢講數學係好重要叫佢一定要學! 呢兩星期天諾開始掌握到個竅門, 計起數上來都manage到,有時仲主動做多d數tim……加上學校嘅功課有加數, 天諾做得快而準, 媽媽即加多兩句學數嘅好處….…..依家臨瞓前例必要媽媽出題考佢心算, 哈哈見佢提升番興趣都好開心呀!! 哥哥加油呀, 媽媽EQ訓練都要加油呀!!

細細表滿月宴@又一戔

今晚放咗工即返去接兩兄妹去食飯, 連埋表表一家, 小朋友最大5歲至1個月b總共五個b呢, 响車上已feel到好似坐保母車中, 行到街上更是震撼!!

細細表都好乖呀, 成餐飯都冇喊過, 食飽就瞓又俾人任抱, 抵讚~~ 今晚大表第一次表演, 叻叻呀!! 而有人肉公仔細表响樹天穎梗係痴住細表啦…又餵細表食野, 又餵飲水, 又拖住周圍行, 好攪笑!……天諾呢期愛上玩爸爸個 i phone game ~street fighter! 唉~媽媽最討厭人打機架!! 幾經勸阻先肯放低部i phone啊!

An original English Musical-- Little penguin and the big world

諗住用妹妹間學校名義買ticket半價, English musical未睇過, 題材又有教育意義就同天諾去睇吓……….今次請埋天行一齊去, 原本坐第一行架, 不過天諾個樣唔太enjoy爸爸就同佢坐後d, 結果有半場都用手蓋住耳仔(真細膽), 最後d演員邀請一齊拍照天諾又好快舉手參予喎! 如果唔係天行响度, 天諾可能enjoy指數係…..零!

ICQM家長問答會

今年天諾要報小一, 爸爸媽媽對現代嘅小學認識唔多, 所以時間許可的話我哋都會盡聽學校安排嘅家長會, 今晚就參加屋企附近嘅音樂小學, 仲因為咁近又見有佢同班同學仔在場就帶埋天諾一齊聽, 家長會前段有學生表演, 天諾嘅專心度還可以, 但當校長介紹學校既理念, 天諾開始無耐性……….
過咗個多小時嘅家長會, 媽媽嘅comment係, 學校環境設施一流, 學校對音樂同宗教好有熱誠, 但……….一條龍12年唔參加升中派位有點保留, 又未有畢業生作參考, 校長對課程介紹又欠奉, 對師資要求又冇解釋, 最奇怪係家長問好多問題校長都兜個圈講祈禱同神嘅安排之類既答案, 一d都唔informative!
總括, 這所屬私校, 不影響報讀其他學校, 就即管一試吧!!
p.s.近呢一兩晚問天諾鍾意咩小學, 天諾話”有d學校放學係夜晚, 有d响日間放學, 我唔要夜晚放學果d呀!” 哈哈~~笑死人喇~~呢一刻佢只concern放學時間!

鼻竇炎

尋日帶兩兄妹去探太嫲, 完成任務後去咗公園玩吓! 天穎真係好粗魯呀~~~

返屋企食過午飯就帶天諾天行上英文堂, 再去接爺爺嫲嫲機….. 有成個幾月冇見, 爺爺嫲嫲梗知佢哋心意啦! 一見面就送玩具手信………..夜晚再去食飯……..不過天諾成餐飯咳過不停攪到要提早離席呢! 唉真令人擔心, 夜晚仲發燒呀! 所以一早就帶佢去睇醫生…….醫生話係鼻竇炎, 又要食抗生素喇~~~所以今日不宜外出, 留在家中休息……….

p.s.其實呢個星期一老師响學校鼓勵小朋友要自己瞓, 而天諾好聽老師話自己好主動返去自己房張床瞓, 雖然佢唔同媽媽瞓睡眠質素有d影響, 但連續幾晚問佢都好堅持要自己睡, 爸爸媽媽見佢黑眼圈大咗其實唔係好忍心, 但見佢咁乖識堅持, 當然要support佢啦~~~~但攪到今次病, 唔知關唔關事呢!! 記得上年都試過搬房, 最後都係病收場………..點解會咁邪架!!

天穎返學篇

今日起天穎上校巴已唔喊喇~~叻叻!! 依家成日提譚姐(校巴姨姨), 又話譚姐話佢係BB好錫妹妹, 今日放學仲唱歌仔rectangle triangle circle sqaure...........見佢開始適應都好開心, 不過因為返下午班d午睡時間夜晒, 攪到晚晚好夜瞓.........

有細表出現, 天穎都好鍾意同佢玩又特別照顧佢! 顯得好姐姐feel.......

p.s 星期日姨姨幫妹妹剪咗個冬菇頭, 不過媽媽覺得長髮靚d.....:p

before after