Cont’d Father’s Day@北京樓

今日天氣關係, 預定嘅天穎下水禮要延遲, 夜晚就同公公補祝父親節, 今晚妹妹好乖, 食飯時間眠一眠俾我哋開餐, 天諾第一次去北京樓, 天諾同表表最鍾意拉麵表演, , 攞咗d sample返到位學人拉,製成品係一”pat”野!

戴髮夾

多謝嬸嬸!!

準備妹妹下水禮

今日屋企要大清潔, 送咗天諾返最後一次Pre-nursery, 喊住返……所以放學爸爸媽媽帶埋妹妹去接佢, 有妹妹接佢都不知幾開心!

今晚為weekend同妹妹下水禮做好準備

天穎的第一口蘋果

食蘋果唔多鍾意, 食三啖就叫工!! 食野都係哥哥叻d~~

識坐座厠

可能平時睇得哥哥多, 天穎半歲已經識坐座厠開大, 真係要讚一讚!

呢排妹妹見到哥哥會叫”阿嘅”, 爸爸就係"阿爹"tim~~

Happy Father’s Day

父親節送咩俾爸爸好呢? 尋晚同天諾合作油幅畫俾爸爸,爺爺同公公!! 因為抱住妹妹一齊製作, 所以天穎都有份!

一早起身同公公飲茶, 再去搵表表游水, 天諾好大膽, 見到泳池想即刻沖落水, 跟住攬住個水泡自己游, 最尾仲玩跳水(不過要人扶住跳), 爸爸同公公夾埋等天諾浸吓水,一跳之下成個人浸晒落水, 哈哈!! 飲咗啖水都唔驚, 仲要求再玩過~~真係大譫咗好多!

返屋企眠一眠, 再同爺爺食飯慶祝, 妹妹著住爺爺响英國買嘅裙仔, 好靚呀! 激c呀! 著成咁响部lift度都有人問”仔來架”, 唉! 媽媽唯有答”佢著緊裙仔喎!”…….妹妹你個樣都唔係好男仔啫!

我要抺地

停課天諾响屋企好悶, 見到auntie拖地又話要幫手, 拎住塊布又抺地, 抺sofa,抺枱, 抺門, 抺妹妹玩具, 抺自己d hotwheels車成二十幾架……….你話佢有幾悶呢………….抺完真係要頒個獎俾佢!

四B一聚!

細表表大個咗好多, 影相都係妹妹最乖!

p.s. 今日爺爺嫲嫲叔叔帶咗天諾去沙灘, 聽講天諾克服咗企响沙上玩, 搵日去再試吓佢先!

天穎第一口pear

初食第一啖, 有d”噏”口”噏”, 不過越食越鍾意!

摺毛巾的驚喜

今晚天諾食飯好乖, 成餐飯都係自己食, 完全唔駛人幫(平時食飯好勞氣架)咁媽媽可以專心餵奶,今日先發現天諾响學校學咗d好習慣, 就係食飯排好飯餸湯, 仲識得摺毛巾, 佢摺毛巾好講究, 兩邊要對得好齊先摺, 摺好嘅毛巾放响旁邊待用!

妹妹打完針後嘅反應已經好番晒, 今晚同哥哥玩得好開心tim…

妹妹加油呀!

一早先同妹妹去打針, 好肉赤又係6合1+肺鏈+口服…每針喊10秒左右就無事, 算叻女啦……打完針整日都好精神咁玩, 哥哥同佢玩仲笑到咔咔聲, 不過夜晚11點開始有d燒, 妹妹你要加油呀~~~~

同妹妹打完針就同哥哥飲茶, 之後行過琴行問哥哥去學彈琴好唔好(一向問佢都話唔好), 今日突然話好, 所以即刻拉佢去報名, 暑假開始共十堂, 試吓佢鍾唔鍾意先!!

天穎半歲發展評估

18.5磅體重屬大B, 對聲音, 捉緊玩具, 腳仔對稱同企嘅力都冇問題, 反身自如, 米糊每日半碗, 要開始引進水果同粥仔…出街個個都話佢似女男仔wor........聽日又要打針lu

今日兒童合唱團停課, 哎呀~摸門釘, 之後帶天諾去板長壽司食兒童餐, 不過好睇唔好食, 天諾鍾意睇唔食都要霸住~~

妹妹半歲喇~

妹妹6個月大, 同嫲嫲去mega box小飛象食飯, 幾好wor有個kids corner, 天諾玩得好鬼開心~~同一套麵包超人衫天諾天行天穎都著過, 聽日妹妹去健康院, 6個月嘅報告遲d update大家啦!!

哥哥停課2星期, 佢不知幾開心!

妹妹扮hello kitty

今日爸爸媽媽要去飲, 嫲嫲接放學之後姨姨同婆婆幫手湊b, 姨姨送咗個頭飾俾天穎, 第一次戴頭飾天穎冇抗拒, 哥哥見到之後話妹妹扮hello kitty, 好好笑呀!
好耐冇試過出夜街夜到陪唔到天諾瞓, 今晚auntie話佢喊咗一輪先瞓著!

兩兄妹齊齊出街齊齊瞓

呢個星期廳嘅冷氣壞咗,一家四口迫响間房涼冷氣, 所以呢個weekend兩兄妹齊齊出街齊齊瞓, 媽媽一個人湊兩個b瞓覺, 兩個第一次同床瞓……諗住左手拍妹妹,右手拍哥哥,妹妹拍兩拍就瞓著, 哥哥見妹妹瞓咗反而仲精神, 搏鬥20分鐘後終於瞓咗! 幾經辛苦有個幾鐘嘅寧靜……(今個星期, 天穎自己識打側睡喇)
一向d人話天諾似爸爸, 加埋呢個笑容佢哋有80%相似呀, 咁妹妹似爸爸多d定媽媽多d呢?

天諾vs天穎 – 啜咀

似唔似樣呢?

天穎的第一口米糊

第一次用匙餵天穎食野, 好攪笑佢開口食但唔識合埋個咀, 仲以為我哋同佢玩, 笑晒!!