BB的學習進度

BB識bye bye
bb 依家要學好多野, 學坐, 學爬, 學行, 學bye bye, 請請手勢, bb响好耐之前已經識give me five/ten, 依家bye bye都識喇~~不過就唔係時時聽駛, 點都好都叫做有d反應, bb好野!!!!
http://www.youtube.com/watch?v=vPZYUh1LF98

BB周地碌
BB依家好enjoy响地上反來反去, 佢會由地墊的一邊向右反完又反碌咗去另一邊, 有時自己再撐兩野改變方向碌到出晒界(落咗地), 不過唔係次次咁順灘, 有時佢會發我哋脾氣/扭計喊等我哋抱, 哈哈!!其實唔理佢或鼓勵吓bb會自己再反返, 跟住又伸直雙手要我哋抱…….抱咗佢起身佢會陰陰咀笑..因為佢得逞喇~~~
http://www.youtube.com/watch?v=vdp-3y6beSA
http://www.youtube.com/watch?v=9cSBQsj7KJs
http://www.youtube.com/watch?v=mCHnjpxVlDE

影樓影相

尋日帶咗阿b去studio影相, 我哋仲專登著咗爺爺麻麻送嘅家庭庄裝去影tim.......唔係影咗好多, 阿b唔肯坐同趴, 又"支"都唔笑, studio d哥哥姐姐都冇佢符, 我哋兩個好似傻佬傻婆咁又跳又叫先影到呢d, 扮廚師就卦住玩前面d導具, 原本有一個造型係响個雞蛋殼到, 不過阿b唔肯坐, 所以就扮蝸牛.........但係同我哋合照佢又happy d, 所以合照較多, 要睇更多相==>http://hk.pg.photos.yahoo.com/ph/tinnok_bb/album?.dir=67d1scd
唔知bb係咪攰得滯, 尋晚7點半就訓左, 到今朝830先完全醒晒!!

Playgroup

上星期六帶咗bb上playgroup, 唔知係咪唔夠訓bb有d”牛牛地”, 一開始就係唱歌仔, bb當然唔知發生咩事只係周圍望, 跟住導師俾唔同嘅玩具bb玩, bb當然有野就立…….接住導師要我哋抱住bb”捐彩虹隧道” (其實係一張彩色布响頭頂揚揚吓), 但係bb一入去就喊, 好似好驚咁, 所以我哋抱bb企開望住其他bb玩話俾佢聽好好玩ga唔駛驚, 其他bb都玩得好開心, 點知bb望住人玩都喊, 要望唔到先收聲……真係唔知點解?? 攪到佢連影大合照touch到張彩色布都喊, 等人哋玩完後, 到所有bb圍圈踢波時, 嘩!!bb的強項呀,生猛晒!!! 導師叫我哋抱起bb抖住佢來踢, 但bb唔制要自己落地踢, 開始喇~~bb雙眼望住個波等機會踢………點知等咗好耐個波先踢到佢身邊, 但又俾其他bb踢咗, 佢見其他bb踢走咗個波就眼金金望住人哋, 好似想投訴咁好攪笑, 等咗好耐都冇得踢就望吓爸爸, 好似想問點解我冇波踢ga……bb終於忍唔住行前幾步搵波, 原來公公教練已經訓練到bb好快咁catch個波起腳, bb最後成功踼咗幾野就要轉遊戲lu……
http://www.youtube.com/watch?v=s-zafh3IlGE
http://www.youtube.com/watch?v=V2CG96kdSCk
http://www.youtube.com/watch?v=E9a0B7yecWw
導師介紹咗幾種玩具來訓練bb平衡同學爬, 我見有d baby已識爬所以同bb去玩學爬玩具……..點知個玩具放响彩虹隧道下面ga….所以bb唔肯離開我雙手, 放佢落去就喊………連我哋都放棄lu……1個鐘嘅playgroup好快就完咗lu……
http://www.youtube.com/watch?v=5R9_v9X6CWI
http://www.youtube.com/watch?v=1JzcR5WAtOc
p.s. bb响後半個playgroup裡頭成日扮鷹咀, 平時係屋企久唔久都有扮, 不過好快就唔玩,好難捕捉影相, 今次影到喇~~ Playgroup 資料==>http://pinky.babysky.hk/

BB搖頭

bb呢期好攪笑, 成日好似食咗fing頭丸咁, 久唔久就係度fing頭, 連訓著咗都搖頭, 初時以為佢頭痕或耳朵唔舒服, 問過其他媽咪佢哋d bb都係咁, 原來係正常嘅, 佢fing得咁過癮, 我哋忍唔住拍晒vedio喇~~~http://www.youtube.com/watch?v=kcU2UlaOwyo

打六合一針

上星期四bb打六合一針, 同以往一樣bb打針只係依依呀呀兩聲! 真係好勁, 今次有vedio為證, 打完針後bb就訓覺lu……http://www.youtube.com/watch?v=y90FM1HI2oo
其實佢咁攰, 係打針前聽咗好耐書, 因為套教材有專人上門講解點用, bb都覺得好新奇, 反應好活躍, 不過佢睇睇吓就走咗去玩喇~~ http://www.youtube.com/watch?v=Xdx_e_YUOMA

BB的第一口桃

我哋專登去又一城taste買咗d日本桃俾bb試吓, 成$20蚊一個已經唔係貴果隻, 刮咗d桃肉加水餵bb食, 佢好鍾意呀~~哈哈!!bb食剩個d我食咗, 真係好香甜, 得閒買多d俾bb食至得!!

7個月喇~~

星期六bb7個月大喇~~爸爸媽媽要返工, 不過bb7點鐘就起身同我玩lu, 返工前仲送埋黃金俾我執tim……放工後帶咗bb去海運間玩具反斗城玩, 佢見玩具就郩手郩腳, 放佢响車仔度, 佢好似識揸咁好開心……不過冇帶bb車去抱到手都軟呀, 到4點多bb開始晏訓, 想佢訓好d,所以就返屋企lu.



bb第一次剪頭髮
bb個個星期都有fashion show 咁, 呢件衫靚唔靚先, 係爸爸d中學同學送ga~~~星期日第一次帶bb去又一城, 睇見人溜冰佢都好興奮, 去咗1個多鐘就返屋企lu, 返到屋企見bb的頭髮長得唔even, 同埋仲有少量頭泥响中間頭髮遮住位置, 所以決定幫佢剪頭髮, 剪嘅過程相當順利, bb唔單止冇反抗仲好好奇咁睇住我哋點剷, 完成咗喇~~好得意, 原來bb嘅頭型好圓呀!!! bb勁似爸爸, 連爸爸都話bb係佢嘅MINI ME, 究竟bb似邊個先? 哈哈雖然剷光咗, 不過好多bb都會經歷呢個樣啦…….影多d相留念先!!!

BB第二次8點半訓覺

尋日返到屋企, bb好乖好開心, 唔駛熱身同佢玩兩野就笑到gaga聲, 連三姨姨 都話佢好好玩呀, 原來佢下午唔肯訓晏覺, 所以8點半就要訓覺到今朝6:30am飲奶~~~研究指出 bb嘅生長素最活躍的時間係8點後, bb最好响呢個時間訓.......唉!!呢個b好難得响呢個時間訓啊!!!

健康院六個月發展評估

上星期六爸爸媽媽同bb去咗健康院做六個月發展評估, 一開始要磅重量長度, 結果重10.02kg (=22磅) 長67cm, 以bb個歲數來計屬大碼bb, 重量仲…..到見姑娘時, 手仔攞玩具,聽聲反應, 頸仔,坐的腰力, 腳企直都pass, 姑娘仲問bb平時有冇講野, bb跟住依依呀呀仲笑埋好似答佢咁好攪笑, 姑娘都話佢反應好好!!! OK晒~~到1歲先再返去檢查……返到屋企bb就訓覺覺, 爸爸媽媽去咗行bb展, 超多人呀~~~其實我哋想睇吓有咩教材同玩具俾bb……我哋都買到野價錢仲係好"那利"……套教材叫English Time由TIMES magazine出嘅要差不多3皮野…..好貴呀…bb你要努力d呀!!!!

學坐的百厭bb
BB嘅腰骨越來越硬正喇~~依家俾佢坐响度, 如果冇其他野分散佢注意力, bb可以維持2分鐘……..不過bb好百厭呀,佢反抗起上來, 成個向後反仲反得好開心tim…….睇片就知… http://www.youtube.com/watch?v=kW68DShaSJw
仲有呀~~依家佢雙腳仔touch到任何野都會跳得好開心!! 雖然佢慢慢進步, 但bb始終唔肯爬, 趴响度耐的話就喊lu…… http://www.youtube.com/watch?v=DDLHaXiEfy4
http://www.youtube.com/watch?v=6Cl6u1_jwNo



爺爺生日飯
媽媽買咗套醒目裝俾bb慶祝爺爺birthday, 出發前襯bb訓咗,幫bb修剪咗耳邊過長嘅頭髮!! 哈哈第一次著恤衫, 細姨姨見到話bb咁著成個細版爸爸, 爺爺麻麻叔叔審審見到bb著到咁都好開心, bb今次冇表現踢波俾太爺睇, 但佢又跳又笑, 仲將佢當波咁傳都唔喊, 大家都好滿意佢交足貨!! 返到屋企沖涼飲奶, 11點就訓lu.....例牌夜晚出完街訓覺會醒訓d