忙碌過新年

年初一
祝大家牛年進步,身體健康!!
今年兩兄妹一齊著華服去拜年, 天穎件袍仔人人鍾意, 天諾件衫又著得醒目,不過妹妹瞓得好”林”好嘈都唔醒, 相反天諾開始識搵糖食, 好彩把口仲識氹人…..
最攪笑係同姨媽拜年嘅對話
天諾: 姨媽祝你青春常註(媽媽教)
姨媽: 青春常註响邊度買架?
天諾: 唔係買架, 係送架!! (冇人教架,笑C人)

年初二
去完爺爺屋企食開年飯就去婆婆度拜年, 夜晚天諾同表表鬥食飯,天穎全程瞓瞓瞓醒咗會笑得好sweet, hehehaha又一日!
前面呢盒煙花千幾蚊,天諾睇到想捉住佢!

年初三
返大陸同太公拜年, 天穎未有證件, 所以只有天諾做代表跟隊, 燒煙花係每年嘅重點,上年天諾只玩沙炮,對煙花係驚驚, 今年大膽咗少少, 會玩”支支仔”同埋放煙花都唔驚LU, 不過玩到尾有d煙花餘片跌落佢個頭度就驚返, 細佬仔好快唔記得,出年再玩過! Oh仲有天諾玩公公自家制有三十幾年嘅木馬同樣玩得開心!

年初四
去姨媽屋企拜年, 有姨丈and公公can cook表演, 有單車比賽!! 咦~~點解又冇天穎份嘅? 妹妹你太細個喇~等你大個d先同你出街街!

年初五
一班哥哥姐姐來拜年, 天諾有d怕醜, 熱身後就冇問題, 天穎就好乖安靜等爸爸媽媽招呼人~~

年初六
上午帶天諾上堂, 食過飯返屋企休息一天! 夜晚同叔婆姑姐拜年

妹妹去健康院

上星期二同天穎返法國醫院打針,醫生話飲奶飲得太密(3oz/3hrs), 要4個鐘先食一次, 如果扭食就俾奶咀(oh奶咀天諾未食過架)! 打針時妹妹扭食,未打已經喊緊,打到大脾仔時喊到冇聲, 好淒涼呀!!
今日爸爸放假陪妹妹去健康院, 一切正常, 重11磅屬大碼BB!!
下午爸爸媽媽睇戲(有1年冇睇過喇), 之後去接天諾放學行花市!!今年都係買咗風車一個, 不過係同天行一齊買

天諾生日會@Ruby Tuesday

天諾3歲喇, 今年提早一日同天諾慶祝, 咁啱係天穎新曆足1個月, 雖然生日會攪得咁好急, 但都請到一班好朋友參加, 多謝劉氏陳氏上上下下同各位姨姨叔叔+朋友仔....

特別要多謝姨姨做歡樂小姐同御用攝影師小花叔叔!!

花仔出場

今日天諾好忙, 先上第一課由香港兒童合唱團主辦嘅優質潛能啓發課程, 學吓打拍子同節奏感,但天諾唔太ENJOY導師俾嘅instruction又唔聽, 一出門口就話呢度唔好玩, 希望下堂好d啦~

跟住返屋企眠一眠就裝身準備花仔出場lu.....

準備進場,姨姨幫手提點

出場表現唔錯!
禮成再進場表現更佳!

天穎滿月

1月8日單睇日子未夠1個月, 原來計舊曆已經滿月喇!! 今日仲係天諾同婆婆嘅舊曆生日tim~~今日行程先到爺爺家拜祖先同埋俾嫲嫲咩吓, 跟住再去婆婆度, 返屋企回吓氣,夜晚再食飯, 天穎成餐飯知道自己冇份食, 瞓足全程, 不過佢都好識做, 臨走醒一陣同我哋影相同送客, 唔知係咪冬今日太忙天穎返到屋企仲大覺瞓, 反而天諾玩到high咗瞓著覺都不斷叫”我唔要呀我唔要呀!” 問佢唔要咩, 佢又唔出聲喎~~
多謝各位嘅禮物同禮金!!

我好鍾意呢個妹妹

初初擔心天穎出生後天諾會覺得失寵唔開心,不過觀察咗幾星期, 天諾反而開心咗, 而且因為佢怕妹妹會俾人抱走, 仲痴家咗tim hohoho! 天諾成日對住妹妹講D好冧嘅說話, 例如: “我好鍾意呢個妹妹”, 錫完妹妹又話“妹妹你好甜呀”, 瞓覺扎醒咗會問“妹妹响邊呀?”make sure妹妹响度先瞓返, 見到hello kitty玩具又會話 “妹妹你大個d就買俾你玩啦”……….當然妹妹未識回應, 爸爸媽媽讚佢之餘都補充一句第日妹妹一定好錫哥哥, 聖誕節時天諾叫妹妹送聖誕禮物俾佢, 爸爸媽媽以天穎名送咗咗本反斗車王書俾佢, 天諾收咗之後就同妹妹講,下次再買thomas書俾我啦, 當咗個妹係聖誕老人咁, 好好笑~

講吓天穎先, 佢唔理係咩節日, 一於扭食扭瞓同扭痾poopoo~~佢依家仲開始扭抱, 而且扭果時d喊聲…..應該話叫聲好攪笑, 一聽就知係女仔扭計tim~~