小一預備班

 

Tim SC last day(13/7)果日好開心收到一間心儀的私校call interview, 星期五call, 星期一去in(16/7), 見過天諾interview既表現, 今次不得不嚴厲訓示要佢認真去in, 珍惜機會!! 雖然爸爸媽媽覺得佢in得一般, 但星期三(18/7)收到offer電話，超開心呀! 星期四即去註冊,得知原來呢間學校的小一預備班已開鑼, 嘩~~天諾在(23/7)亦要連上兩星期預備班, oh突然間好似冇咗暑假, 好彩佢冇咩投訴je…………..

第一日返預備班就遇到友善的同學仔帶佢參觀校園，天諾自己仲揀坐第一個位! 希望呢個係佢小學生涯的好開始啦!

暑期班開始喇

今年由於天諾好有主見，所以暑期班都是經佢同意先報名………..天諾最期待Angry bird lego班, 天穎就最開心去cooking fun, 每次都帶佢製作的食物返來俾我哋品嘗 J

Buffet @W hotel

姨媽生日, 姨丈請食buffet, 我們一家真幸福呢~~不過兩位細佬最難忘係洗手間有糖食……> . <

天穎last day @ Ming Wai

來緊9月天穎會轉校再讀K1做大大女, 明慧last day當日爸爸媽媽同哥哥都一齊接佢放學, 天穎超開心啦! 呢一年媽媽一早諗住同佢轉去龍校讀免得小一再煩過.......所以俾佢在學校hea冇特別同佢溫書!希望佢轉咗校會更開心啦~~

SC Last Day Party

 

旅行過後, Tim and Tia就返學上埋餘下幼稚園的日子。三年多采多姿的幼稚園生活真開心, Tim的last day媽媽都專登請假接送佢返學可以同佢影多d相!

哈哈將升小學的Tim似乎未有依依不捨的樣子，只係興奮咁跑跑跳跳，反而老師和家長門就好唔捨得。臨離開課室老師更依依不捨的流淚可見老師幾痛錫班小朋友呢! 上到小學…..面對默書, 考試, 功課, 改正…….Tim一定會好懷念幼稚園生活啊~~

大板+京都五天遊 (續)

第三天
一早去參觀大板城, 可能天氣炎熱, 班細佬的戰鬥力好弱, 始終觀光佢哋興趣不大 , 好彩有間士多仔俾佢哋睇吓~~第一次玩呢d抽獎玩意, 三個都好開心! 天諾同天行抽到四等獎揀咗劍, 妹妹抽到二等獎有玩具、公仔和文具……最後妹妹揀文具真係同哥哥好唔同啊!
之後就去今日的重點節目….環球片場
哈哈甚麼Water world, Terminator, Jaws全部都冇睇過, 班細佬只痴住新開的Wonderland, Tim一開始就玩水上滑梯攪到條褲濕晒, 搵過附近d shop都冇細小童短褲, 唯有買咗fit佢的大人”孖煙通”頂住先, 好彩睇落唔太肉酸姐!

 

  呢日行得多咗大家都好攰, 尢其Ian叫腳痛, 真係好難得妹妹抱住Ian坐車仔呀!

由於今日佢哋顧住玩, 晚餐時間又好早所以返到酒店就齊齊食杯麵充饑喇~~自始Tim and Tia愛上杯麵呀~~

 

第四天

入和歌山觀光+果園摘車尼茄……中間去過一個好似荔園的樂園佢哋玩得最開心呀!

呢晚住的溫泉酒店好正, 男嘅去附近的溫泉浸一番, 女嘅在房內浴缸浸亦很爽啊~~

 

第五天

行outlet, Tim揀咗好多lego, 妹妹冇特別要求買野, 不過媽媽就買褲同鞋俾佢~~今日三個細佬第一次响雪糕機買雪糕呀, yum yum~~

回程在飛機中, 可能連日來睡眠不足, 食過飛機餐後幾仔小魔怪就熟睡lu………….呢個旅程亦完滿結束喇~~

大板+京都五天遊

一行九人出動，妹妹仲係第一次搭飛機，講起都有點慚愧相對哥哥三歲半時已去過兩次日本旅行呢! 原來爸爸媽媽自有天穎開始已冇去過family trip, 今次多謝爺爺嫲嫲悉心安排! 其實有爺爺同三個細佬仔响度, 不論行程如何，總會有買玩具的環節。再加上三個細佬仔一齊幾日，爭寵、鬥氣亦少不免! 所以呢個trip除咗開心之外，就是攰同勞氣囉!

第一天

坐飛機三個b都好興奮，全程冇瞓玩足我哋三個幾鐘頭! 尚算控制到佢哋，只係飛機降落時叫咗幾聲耳仔痛! 呢日第一個行程就係買野, 買咗第一份手信, 玩一陣就夠鐘走人去食飯, 時間剛好! 食完飯去睇夜境同埋見識吓地震過後的環境, 行程完畢返到酒店已好夜, 玩咗一陣就趕班細佬瞓, 因為要準備每朝六點半Morning call呢!

 第二天

一早起床顯然對班細佬有難度, 不過醒過來知道去玩就精神晒! 今日最好玩係坐火車, 佢哋以為thin controller揸Thomas俾佢哋坐呀!一經過隧道或天橋都叫晒, 名副其實的”柴娃娃”…….玩完一日又點會冇玩具買呢，食完地道拉麵就出發喇~~除咗大型百貨公司外, 今次搵到一間玩具店價錢抵好多呀~~所以人人都有收穫! 可愛的妹妹叫佢買玩具佢話唔買, 每次都係痴住小朋友遊戲區好開心滿足咁玩, 讚呀! 

 

 

今晚返到酒店見時間尚可, 就俾佢哋三個一齊沖涼, 再玩玩先瞓~~~