BB上學去

第一次帯bb返playgroup, 阿sir主要教爸爸媽媽點同bb玩, 點樣剌激bb的感官。一堂有十二個bb, BB第一次見到咁多同齡的bb好似冇嘜反應,有D bb會伸手點其他bb, 但阿囝好似無興趣, 自己週圍望(幾有性格~~), 到阿sir講嘢佢又”打喊路”, 真係好攪笑。去到幫bb 按摩時佢就好enjoy喇~~有一part係抱bb同佢玩氹氹轉,上完堂我們仲攰過bb呀!!!!

好消息!!!

BB尋日成功轉身喇~~~話說尋晚7點幾爸爸個朋友”王蜂醫生”上門幫BB打針,打針時bb只係喊咗3秒, 跟住又郁手郁腳玩, 佢真係好勁!!
爸爸媽媽唸住佢打咗針一定會累d, 點知夜晚11點幾仲眼仔碌碌, 我哋兩個都好攰所以放低佢係大床, 佢係張床度”碘” 吓”碘” 吓,狂拗腰,拎頸,對腳仔用力fing 將自己扒轉, 然後再出盡力去撐起…..就係咁成功扒住興奮咁周圍望!! 哈哈!! 我哋一人錫咗佢一嘢獎勵呀~~~~

四個月

四個月大喇~~BB嘅發展尚算中規中矩,無遲人一步亦無快人一步。雖然宜家仲未識轉身, 但將佢打側身佢好努力咁用隻腳仔去撐仲摟埋腰tim。佢轉唔到身會發脾氣跟住就喊(都幾好笑㗎!!), 我哋將bb隻腳同身打側到好似“扒”係樹, 佢終於可以撐起自己喇~~~我估距離佢自己轉身應該唔遠。
佢宜家好鍾意聽爸爸唱歌, 爸爸唱一句佢就笑騎騎咁應一嘢, 眼神仲好冧添!!! 不過論睇電視同爸爸唱歌仲未分出勝負, BB眼定定睇電視可以連肚餓都唔記得嫁~~
夏天到喇! BB著短袖衫好得人鍾意, 見到佢個手瓜仔姨媽就忍唔住叫佢un豬, 見埋腳瓜又忍唔住咬佢呀~~

爸爸雖然唔原上鏡, 但睇吓呢張相兩個頭係一樣…..haha….

私家座

BB 第一次同爸爸媽媽去shopping~~ 雖然BB仲未識坐, 但公公已急不及待買咗張食飯椅俾佢喇!! 買嘅時候BB仲瞓上去試吓, 不過佢顧住食手指冇俾意見呀!! 另外張椅可以當搖籃咁用!! 宜家張椅俾佢瞓上去搖吓搖吓…….好似好過癮!! 在屋企可以坐呢張椅, 出街時有爺爺送嘅car seat……..BB真係嘆呀!!!