四個月大喇~~BB嘅發展尚算中規中矩,無遲人一步亦無快人一步。雖然宜家仲未識轉身, 但將佢打側身佢好努力咁用隻腳仔去撐仲摟埋腰tim。佢轉唔到身會發脾氣跟住就喊(都幾好笑㗎!!), 我哋將bb隻腳同身打側到好似“扒”係樹, 佢終於可以撐起自己喇~~~我估距離佢自己轉身應該唔遠。佢宜家好鍾意聽爸爸唱歌, 爸爸唱一句佢就笑騎騎咁應一嘢, 眼神仲好冧添!!! 不過論睇電視同爸爸唱歌仲未分出勝負, BB眼定定睇電視可以連肚餓都唔記得嫁~~
夏天到喇! BB著短袖衫好得人鍾意, 見到佢個手瓜仔姨媽就忍唔住叫佢un豬, 見埋腳瓜又忍唔住咬佢呀~~
爸爸雖然唔原上鏡, 但睇吓呢張相兩個頭係一樣…..haha….
4 comments:
唔知我幾時可以同bb見下面呢?自從滿月到而家都未見個諾諾lu?!v__v"
還有呢~~爸爸唔肯上鏡~~不如靚媽咪試下先呀~~
珊珊~~ 隨時歡迎你來同bb玩呀!! 約個時間啦..
haha..等我揀到靚相就post, 依家個樣好殘吓!!
哈哈~~post上去就係要見證你殘既樣~~人生有幾何辛苦幾個月都無教好瞓~~等bb大個時知道爸爸媽媽既辛勞~~
(同埋呢~~所有湊大bb佢既幕後功臣應該影番一幅"殘樣相"-有爸爸,媽媽,爺爺,"女麻""女麻",公公,婆婆......等別人知道原來湊大一個可愛bb既人力係要幾多^0^)
Post a Comment