BB的第一個中秋節

http://www.youtube.com/watch?v=xLmvrVtPziM
八月十五bb雖然bb未識玩燈籠, 但屋企已經有嫲嫲買嘅走馬燈, 婆婆買嘅蓮”牛”楊桃燈籠, 叔叔買嘅keroro燈籠過中秋……團年飯表叔表演拉小提琴, bb睇到眼定定, 好陶醉, 食完飯諗住同bb去公園賞月, 但佢太勀喇唯有返屋企早d訓……….


八月十六去咗爺爺嫲嫲屋企做model, bb去試吓爺爺嫲嫲歐遊後嘅戰利品, 爺爺話嫲嫲歐遊時間只掛住買衫俾bb結果有成十多件靚衫+兩對靚鞋仔~~重點要提呢套波衫, bb著咗好醒神, 雪山頂買嘅國旗衫, 工人褲又好cute, 仲有好多好多呀~~之後同爺爺嫲嫲食完飯就去玩playgroup, 呢次同上次差唔多, bb今次踢到好多吓波, 不過真係唔知點解呀!! 仲係對張彩虹布好抗拒…….!!! playgroup過後繼續同爺爺嫲嫲去食火鍋.

尋日係bb嘅休息日, 下午响屋企訓咗兩粒鐘之後去咗婆婆屋企彈琴, 食完飯bb同爸爸公公婆婆返屋企(因為媽媽去咗飲!), 9點幾鐘bb都差不多瞓著公公婆婆就走喇, 跟住爸爸call媽媽話bb唔肯訓要搵我, 輾轉試咗好耐爸爸就搵咗媽媽著過嘅衫陪bb訓, 哈哈!!好攪笑但係又work喎!
http://www.youtube.com/watch?v=zq9EgV0kdwo