16個月大喇~~

上星期六bb16個月大, 我哋去咗遊艇會同太嫲預早慶祝Mother’s Day. BB好乖架, 見人就叫姨姨/叔叔, 食食吓野自己仲成張枱嘅人逐個叫, 氹到人人開心~~食完飯爺爺抱咗佢去人哋架電單車度玩, 佢不知幾興奮~~
尋日同公公飲完茶去咗探表弟, 要叫番佢個名至得, 因為叫親bb佢就應我哋(其實我哋係叫表弟呀)~~睇住表弟瞓覺佢又想去表弟張床玩, 睇住表弟沖涼佢又想玩盆裡面d水, 睇住表弟飲奶佢又想攞咗支奶來飲, 真係睇少眼都唔得 >p<
玩完一輪返屋企瞓咗兩個鐘就去上堂lu～～可能係剛瞓醒，佢好似樹熊咁痴住媽媽，熱身咗先自己去玩．．．．