要簡報一吓呢個精彩新年~~
年初一, 先到太嫲度拜年, 氹得老人院d婆婆好開心, 不過未食早餐嘅天諾對通粉情有獨鍾, 所以同太嫲排排坐食通粉! 之後去太伯公,太叔父度拜年, 再去爺爺度食飯, 下午去同叔公姑婆拜年, 返屋企眠一眠再去爺爺度食大餐, 由於爺爺坐係天諾側邊夾餸時會阻住天諾睇電視, 所以天諾成日捉住爺爺隻手唔俾夾餸, 好攪笑!! 飯後我哋再去婆婆度拜年, 原來姨姨準備咗大細咪俾天諾唱歌呀, 嘩行程緊密的一日完成喇~~
年初二, 先去爺爺嫲嫲度開年, 原來唔係開年咁簡單, 爺爺知道天諾3月要返學所以準備咗一個開筆禮, 哈哈! 多謝爺爺嫲嫲封大利士!! 之後帶天諾返大陸去太公太婆度拜年, 第一次搭火車表現得好興奮啊! 連媽媽都係第一次去落馬洲站過關, d通道好長好乾淨, 天諾跑到索晒氣, 離開大堂仲講咗句”wah very nice”, 笑c我哋喇~~返太公太婆度重點當然係燒煙花啦, 第一次睇煙花, 天諾唔知係咪俾d發炮聲嚇親, 唔敢望仲攬實唔放, 不過就好鍾意玩沙炮, 叔公見佢咁鍾意加碼買咗成袋返呢俾佢玩呀, 多謝晒~~攪咗一日成十一點幾先返到屋企, 天諾攰到响車度叫”返屋企覺覺”~~~
年初三去姨媽度拜年食盤菜, yummy!! 天諾帶咗fun song factory(爸爸响外國訂返呢嘅碟)去睇, 又唱又跳, 仲熱到除咗兩件衫tim, 同表表影相都眼望電視呀!!
年初四, 好難得休息一天, 媽媽煮飯, 好耐冇試過一日未出過街喇!!
No comments:
Post a Comment