曵曵事件簿

同老師再一次通電講天諾响學校嘅情況, 老師話天諾有進步, 响學校喊少咗同active咗好多, 食飯都好乖, 亦有示意去洗手間, 不過今日做咗兩件”粗魯”嘅事….媽媽聽到打個突, 咩事呢?
事件一: 午睡過後, 由於有其他同學仔未起身, 老師叫天諾留响床度休息多一陣, 點知佢走去隔離另一醒咗嘅同學仔度攞人哋隻鞋掉落垃圾桶!!!
事件二: 同學各自玩緊玩具, 有一同學想返埋位但經過天諾個位, 可能天諾以為同學仔來爭玩具, 打咗人哋心口一吓, 老師要天諾say sorry, 然後同佢講咁唔啱架, 跟住天諾就喊出來!!

事後媽媽同天諾傾計, 先讚吓佢叻叻响學校表現好好, 瞓覺同食飯好乖, 不過對同學仔要斯文d架, 問及點解掉咗人哋對鞋同打人, 佢一於唔答, 媽媽同佢解釋一輪後, 佢都肯同媽媽抅手指唔再咁做, 希望佢明啦!!