妹妹出玫瑰疹

可憐嘅妹妹燒咗4日, 前日嫲嫲帶佢去睇醫生, 有少少中耳炎要食抗生素, 今日終於退燒~~身上亦開始出紅疹, 希望佢快d好, 有番胃口食多d野…..
今晚Bob公公又來幫妹妹改裝張床, 天諾就做助手, 不過今次冇越幫越忙, 叫佢幫手傳送工具都做得好好, 佢拎住個真鎚仔又扮大佬同妹妹講”你唔攞得架, 要好似哥哥咁大個仔至得!” 唉~~呢排唔知點解成日問媽媽幾時先可以變到大人咁大個喎!!