今日媽媽請咗半日假參加天諾學校親子旅行, 可以一次過見晒佢嘅同班同學仔, 媽媽自行去學校集合, 入到課室原來天諾調咗位, 佢個好同學Chloe唔係坐佢旁邊, 但問天諾同Chloe依家邊個係你哋嘅best friend佢哋都好快咁互相指住對方, 真係難得大家認定對方啊~~~
每次陪天諾參加學校活動都有唔同驚喜, 記得上次生日會接放學天諾主動用英文介紹媽媽俾老師認識, 今次媽媽見識到佢普遍話嘅進步, 老師都讚佢好敢說話, 其實佢嘅勇氣勝過媽媽, 都係果句把口最叻!! 不過小朋友當然係有強有弱, 佢嘅弱項就係冇專注力同冇耐性, 影合照時天諾盡顯佢百厭同冇耐性, 成班同學企定定影合照, 天諾就拖住同學仔周圍走,老師都叫佢唔住呀, 失禮晒!!! 睇吓呢張合照, 天諾keep住走位, 攪到每張合照都响唔同位出現, “阿仔你响邊呀?” 吹脹 >p<
旅行完咗我哋仲同Zita, Anson, 文博 tea一tea, hehe~~有小朋友效應, 天諾自己食野, 媽媽可以同其他媽媽交流一番, 真開心啊!!
No comments:
Post a Comment