同學仔團拜

同學仔團拜可以話係天諾最期待嘅節目, 大半班同學仔來咗呀連uncle Bill都來同小朋友, 我哋仲帶埋天穎參加, 一去到天諾周圍走自己搵同學仔玩, 天穎呢跟住哥哥大叫走來走去, 一大班同學仔唱歌時天諾就周圍走唔合作, 相反天穎就好欣賞d哥哥姐姐唱歌, 到同uncle Bill玩遊戲, 天諾好留心同主動咁玩, 天穎都襯熱鬧坐哥哥隔離, 食野時間, 天諾完全冇問題, 坐埋同學仔一堆自己食!! 今晚真係玩得好開心呀~~~

最後一日假期節目都係拜年, 今日去咗探打針叔叔嘅bb, hehe~~好彩天諾唔記得邊個幫佢打過針jei, 天諾仲玩打鼓, 好似打得似模似樣咁, 問佢學唔學佢又話唔學wor!