足球啟蒙班

天諾試過唔同嘅興趣班, 第一次主動向媽媽表示”我鍾意呀!” 原先仲猶豫星期日好唔好安排活動俾佢, 今日試堂後佢嘅表現令爸爸媽媽決定俾佢玩落去…
開始前同妹妹熱身一番!

開始第一個環節: 向前, 後, 側跑去目的地! 天諾冇問題應付到!

第二環節:學踏波! 天諾動作攪笑, 仲有d少林足球feel!

第三環節: 控波- 天諾成用手, 犯晒規!!

第四環節: 學射門, 有板有眼, 叻叻!!

最後係一班小朋友追住個波, 模擬比賽! 雖然天諾跑得唔夠快同冇咩氣, 佢都好努力追, 臨完前教練好識做俾佢入咗一球, 攪到佢鬼咁high!!!