比賽日

今日上咗好重要嘅一課, 天諾獨誦組有24位小朋友, 佢係第二十三位出場, 要等咁耐佢心情已大跌, 加上到第18位 小朋友時佢突然”打c憶”, 確實有影響表現架, 到頒獎時間天諾見其他識嘅同學仔有獎牌, 而自己冇….佢扁住咀問咗媽媽一句點解我冇嘅, 媽媽先記得未有同佢做好心理輔導tim, ….. 媽媽即時作出安慰,其實爸爸媽媽見天諾有好大進步,又肯用心去練已經好滿足, d獎係唔夠分架, 所以有俾心機盡力做已經好好, 呢次冇, 下次再努力d就會有機會有架, 加油呀!! 跟住天諾就話下次要個好似臉咁大嘅獎牌wor…….佢好似好明白咁. …..當然爸爸媽媽送嘅獎勵一定唔少得啦~~

p.s.媽媽臨瞓前問佢今日去朗誦好唔好玩, 佢話好呀, 再問佢下次仲參唔參加, 佢話好喎! 媽媽都鬆一口氣喇~~起碼佢冇因為今日嘅失敗而放棄或唔敢再試呀,good boy!! 不過下次要再教埋佢"登"其他得獎者開心至得!