行花市+Javon b day party

今朝飲完茶帶兩兄妹去行花市, 天穎收穫係一個公主balloon同兔仔風車, 天諾就揀咗兩份玩具! 婆婆買咗花, 公公買零食.......哈哈......臨走前, 天穎見D攤檔背面好似個台咁, 自己行去表演(哥哥教嘅春曉), 好攪笑呀!!

送咗公公婆婆番屋企, 我哋就出發去Javon生日會@黃埔冒險樂園, 爸爸媽媽成日怕多人所以未帶過兩兄妹去架, 今日佢哋好似大鄉里咁, 發晒癲樣樣都想玩!! 成班同學一齊玩電動火車同碰碰車, 好似包場咁, 好開心呀~~