Chloe’s B-day Party@將軍澳冒險樂園

五月開始天諾開始返游泳班, 泳會都幾好俾佢哋試吓水, 觀察後再編班, 天諾今堂已去番上年年尾的程度!
上完堂”拿拿臨”返屋企食飯, 再出發去Chloe生日會!! 妹妹見到Chloe姐姐戴住公主皇冠眼金金, 哈哈女仔真係女仔, 擺明貪靚!! 所以生日帽佢唔放過, 堅持要戴~~天諾呢當然被party room外既機動遊戲吸引住啦~~
好攪笑, 天諾同壽星女影相時個樣好尷尬, 而天穎同壽星女細佬影相, 哈哈~ Chloe細佬又係尷尷尬尬咁扮咳~~唔通男仔同女仔影相係死穴?

今日有得玩兩個都超開心, 玩新嘅機動遊戲全冇驚過!玩完呢個輕氣球轉到媽媽有d暈, 但兩兄妹就超開心呢~~