第一次返大陸

帶bb返大陸真係好勞動, 加上天氣熱到人都溶!! 尋日帶bb返大陸拜山同埋返媽媽祖家探太公太婆, 行程緊密, 到依家仲覺得好攰(bb除外)!! 雖然天氣熱, 但都冇減弱bb嘅心情, 拜山時鞠躬拜拜bb都好用心, 佢仲跳舞俾太爺睇tim! 返到太公祖屋好乖咁叫人, 仲派荔枝俾太公太婆叔公叔婆食, 氹到個個都開心, 仲有唔知點解天諾影相時好開心, 睇吓張大合照個個都笑得好開心連太公嘅金牙都閃晒出來!
bb白白的皮膚第一次咁曬法, 返到屋企同佢沖涼先見到輕微兩隻色…….
好耐冇講吓bb學講野進度, 上星期佢大躍進, 識得叫自己”諾諾” “Tim Tim”, 最難叫嘅窿窿(公公)同諗諗(嬸嬸)都發到音喇~~就係姨丈難到佢, 姨咗好耐都叫唔出~~