端午節

星期一同太嫲做節, 食飯前嫲嫲帶bb去咗泳池邊踢水, bb玩得好開心仲成餐飯心思思想去玩, 唔知係咪太耐冇見叔叔嬸嬸喇~~say goodbye時bb喊晒!!!
端午節果日bb著咗媽媽新買嘅Thomas衫仔出動, 第一擊先去飲茶(係史無前例由舅父仔去搵位架), 第一次同表弟一齊飲茶呵~~ 雖然平時同bb提起表弟佢就話“打打”仲做埋動作tim, 但原來唔係一見就打架!! 佢會親親表弟, 又想抱吓, 不過玩得肉緊上來偶然都會郁手打幾野~~飲完茶仲同表弟去行街~~hehe~~

抱表弟
推表弟行街
原本打算帶阿b游龍舟水, 不過爸爸話穩陣d等佢強壯d先, 所以我哋返咗屋企午睡再玩zzzzzz 夜晚我哋食飯要讚bb坐足全程個半鐘冇扭計, 返到屋企沖完涼好乖, 睇咗半個鐘書就飲奶, 10點鐘就zzzzzzzz