返學的第三天

尋晚9點幾就想瞓, 今朝7點就起身話要玩車車, 佢知道返學係咩一回事(陌生地方冇安全感), 見到件校服都想喊, 今日姨媽車天諾返學, 架車一停低學校附近就喊出來喇~~老師抱走佢就叫媽媽媽媽….嗚嗚…….
接放學時又係一見到爸爸媽媽即喊~~好嗲咁攬實!!
老師話佢响學校裡面表現ok, 今日仲肯食三塊餅餅….返到屋企之後媽媽同天諾傾計讚佢好叻呀食咗咁多餅餅, 再問佢好唔好食佢話”唔好食”喎! 依家响屋企見到套校服都叫唔好, 希望你快d適應啦!