天諾best friend生日,當然要捧場啦~~今日Chloe 以 minnie打扮好靚呀!! 响假期最後一日見番d同學仔, 天諾都好興奮, 哥哥基本上响波波池度自己玩唔駛人理, 不過果度個slide佢都係未克服呢….妹妹呢响波波池玩好興奮但要媽媽陪, 好彩姨丈帶咗佢去行吓, 媽媽有得休息吓~~
唱完生日歌, 天諾就好緊張自己可以食到邊件, 好彩俾佢食到粒星星啫! 食完蛋糕我哋去婆婆度放低妹妹就趕去兒童合唱團interview. 媽媽只係同天諾講去唱歌俾人聽冇刻意話interview, 點知天諾以為又表演, 去到登記時天諾問點解冇台嘅, 個樣仲好似有d失望, 媽媽就唯有解釋如果今次唱得好將來先有機會上台表演架! 講完佢又冇再追問, 乖乖跟d姐姐入去interview, in完出來問佢做咗d咩佢又唔講, 唯有等5月出result!
No comments:
Post a Comment