欺凌事件?

第二日暑期班, 上咗兩個鐘後媽媽收到電話, learning centre嘅姐姐話天諾响廁所跌倒喊到唔收聲, 仲嚷住要返屋企, 好彩auntie amor有時間幫手接佢啫! 返到屋企冇啦啦發燒, 問佢發生咩事, 天諾聲稱自己被人打, 個頭好痛, 為了解清楚, 媽媽打電話去centre問事發經過, 一問之下原來當時上完畫班小朋友去洗手間洗手, 天諾與其他3個小朋友一馬當先, 姐姐隨後跟住但到達時天諾已坐在地上哭, 當時冇大人見到事發經過, 其實小朋友跌跌碰碰好平常, 但有點兒失望centre嘅安排及善後, 其實轉堂時間應該有嬸嬸响洗手間睇住, 即時阻止唔到意外發生都起碼得個知啦~~~
呢晚天諾都發住燒, 仲發現手背有d紅粒粒, 第二朝即去睇醫生, 醫生話少少喉嚨發炎, 手上紅點唔似手足口, 應該係敏感喎, 媽媽即刻問會唔會係d顏料呢?醫生話有可能架, 泥膠水彩皂液最好唔好掂住, 所以暑期班要叫停, 下星期再開始!!