今日下午由於天穎要午睡, 我哋帶走天諾同爺爺嫲嫲食飯, 天穎見到爸爸媽媽同哥哥出街, 即刻攬實爸爸叫住”鞋鞋”(要我哋幫佢著鞋去街), 最後知道自己冇得去喊得多麼淒涼呢!! 攪到爸爸媽媽好內疚~~出到街天諾都好乖, 食完野探太嫲又肯表演. 不過都會扭計買玩具, 呢個習慣…..唉…..媽媽開始半投降!!
嗱嗱林買完玩具爭取時間返屋企同天穎玩, 再同公公婆婆食飯, 晚飯時間天諾表現得好乖呀, 梓昊舅父仔好細心,記得天諾鍾意食冬菇專登夾俾佢食, 天諾亦識回禮夾返西蘭花俾舅父仔, 兩個都好gentleman啊!
食完飯返到屋企, 平時放工天穎一見到爸爸媽媽即刻笑.叫同扭抱, 今晚開門見到一個嬲樣嘅妹妹, 成晚久唔久嘟咀拍嬲, 好似向爸爸媽媽展示不滿呢, 但其實佢個嬲樣好可愛同攪笑, 好想影低佢呀, 佢又好唔合作只係隱約見到個嬲樣….
No comments:
Post a Comment