年初二

每年年初二都會回鄉拜年, 今年原本帶埋妹妹返架, 可惜佢仲流緊鼻水, 唯有天諾做代表啦 ~~

去到太婆度, 因為有個井, 天諾好好奇問媽媽咩來, 解釋一番後就俾佢試吓打水, 相信城市人都冇咩機會接觸到喇!!

晚飯時間天諾突然話要講笑話俾大家聽, 雖然個笑話係好無聊果隻, 但出自佢把口, 唔好笑都變得超好笑呀~~最後引來兩枱人笑到拍爛手掌!! 晚飯中段, 天諾再表演一番, 連桐桐姨姨同舅父仔都有表演呀, 真精彩!!
hehe~~每年叔公都會預備煙花, 今年天諾大膽好多呀, 玩起上來又唔駛人幫又冇喊住要蓋住耳朵, 同舅父仔玩得好開心呢!!