年初四@錦田鄉村俱樂部

今日約咗天諾d同學仔去摘士多啤利, 出發前先飲茶醫肚, 等姨姨期間响商場影吓相, 出奇地天穎好合作仲擺晒pose咁, 笑c人喇~~

今次我哋是第二次去錦田鄉村俱樂部, 由於我哋比同學仔早到, 趁人少先去摘士多啤利, yummy!! d士多啤利又甜又香, 不過今日天氣太好lu, 曬同熱仲要d士多啤利$90一磅, 我哋玩一陣過吓癮就摘完lu……

之後响草地玩一陣bubble再去玩電動車, 天穎太細未識控制冇得玩, 表表齋睇已好滿足, 所以得天諾自己玩但都好好好開心呀!!

到餵白兔同羊喇~~兩兄妹居然怕怕………..叫天諾餵佢話”讓妹妹先”, 叫妹妹餵佢話”它未吞埋”! 藉口多多, 真吹脹!! 唯有返去同表表踢吓波啦~~
玩玩吓大表同天諾好friend咁坐响草地(原來兩個古古惑惑响樹拔草玩), 天穎見佢兩個坐低佢又跟坐, 最後抱埋細表表一齊排排坐, 好難得嘅一刻呀!!