大少與妹仔

家中男仔同女仔分別, 好多人話女孩子比男孩子早熟而自理能力亦好好多.........呢個定律亦响我家出現呢! 妹妹的確自己餵食好過同齡的哥哥, 依家已自己識著褲, 有d野就算唔識都好多時主動要求自己做, 仲幫手做家務呀!!

今晚爸爸出咗街, 哥哥想玩反斗車王玩具, 平時的天諾對住呢d玩具只會lur人幫佢砌, 由於媽媽堅持要佢自己負責, 最後都有8成可自己完成, 有進步呀!! 不過睇個video, 妹妹仲乖呀, 幫手摺手巾, 但哥哥只顧玩!

呢排妹妹鍾意學寫字, 上兩星期教過佢寫Q字, 佢成日寫仲好開心人哋讚佢叻! 呢個星期慢慢教O, I 同T佢又記得晒....又學埋哥哥畫太陽, 真係叻叻!!